Preto
- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
| Preto | ||
|---|---|---|
| ||
| Coordinata di color | ||
| Hex | #000000 | |
| RGB* | (r, g, b) | (0, 0, 0) |
| CMYK | (c, m, y, k) | (0, 0, 0, 100%) |
| HSV | (t, v, i) | (0°, 0%, 0%) |
| * standarisa na [0–255] (byte) | ||
Preto (Corsou/Boneiro: pretu) ta e color cu ta resulta di e ausencia of absorbacion di luz visibel.
Etimologia[editá | editá fuente]
Preto den Papiamento ta fia di Portugues (preto) y idioma crioyo caboverdiano (kabuverdianu: prétu).[2] E palabra preto (Portugues) a pasa door di evolucion linguistico y semantico cuminsando na e sentido pa nifica 'primi' of 'preta', 'denso' of 'diki' y ultimamente pa nifica e color 'preto' of 'scuridad'.[3]
Preto a deriva di Gayego unda e tabata nifica color 'preto', y e forma antiguo préto (forma moderno: perto) tabata nifica 'cerca' of 'cercania'. Esakinan a deriva di apreto cual ta bini di e verbo apretar (forma moderno: apertar) cual tabata nifica 'primi', 'preta', of 'klem'. E verbo 'apretar' mes ta deriva di e combinacion di e palabranan appectorāre ('pa primi contra e pecho') y premere ('placha', 'kinipi') y ultimo appectorāre mes ta deriva di e palabra pectus -oris ('pecho') di Latin bieu. Alrededor di aña 1000 apretar no tabata asocia mas cu pechos (deriva di pectus) y pa aña 1600 apretar a gara importancia linguistico pa motibo di avancenan den civilisacion.[4][3]
Prome cu e reformacion di ortografia na Portugal di aña 1945, preto ainda tabata accentua cu un accento circumflexus (Latin; ^):[5] prêto (ortografia bieu).[3]
Arte[editá | editá fuente]
Segun Antonius van Koolwijk e butushi of potchinan descubri di tempo pre-colombiano pinta cu color preto, ta e color mas raro entre e otro colornan descubri, esta cora, bruin, y blanco. Ademas, na Aruba, e color preto den pintura di cueba tambe ta esun mas raro.[6]
Asociacion y simbolo[editá | editá fuente]
Blanco y preto hopi biaha a ser describi como conceptonan opuesto; particularmente cla y scur, bon y malo, positivo y negativo. Sinembargo, tin casonan cual preto ta nifica forsa. Por ehempel, antes den e zolder di un cas di shon di un famia blanco, un boter di glas ta wordo poni cu un popchi preto simbolisando forsa y salud.[7]
Etnografia[editá | editá fuente]
E terminologia 'preto' ta wordo uza pa describi hende di color. Blanco tabata un ideologia anticua asocia cu cabayero, shon, doño, y homber liber. Asina, propiedadnan priva tabata yama tera di blanco. Ademas, e idea cu un hende di color ta casa cu un hende cla ta yama drecha famia y den e caso contrario; daña famia.[8]
Idioma[editá | editá fuente]
Un cultura di berguensa a reina paden di e poblacion preto di islanan ABC cu tabata confronta tur dia pa nan color di cuero. Debi na ideologianan discuida cu tabata di relevancia pa es mas cla. Sinembargo, e idioma tambe a hunga un punto fiho den sostene e ideologianan aki den forma eufemistico. Por ehempel, un bon color tabata referi na un color di cuero mas cla y al contrario mal color pa esnan mas scur. Tambe habri color; es cu ta remedia nan color di cuero pa mustra mas cla. Ademas, esnan blanco tabata naturalmente considera como bunita: blanco-bunita, y preto-mahos pa e partido opuesto. Asina tambe pa motibo di cultura di berguensa paden di grupo di hende preto y psicologia di desbentaha cu esaki tabata trece cu ne, tabata considera nan mes hende di color tristo.[8]
Fuente, nota i/òf referensia
|